பிரதிலிபியில் உங்கள் சுயவிவரத்தை அமைத்து, மின்னஞ்சலைச் சரிபார்த்து, உங்களுக்கு விருப்பமான கதைகளைக் கண்டுபிடித்துவிட்டீர்களா? இப்போது உங்கள் வாசிப்பை தொடங்குவதற்கான நேரம். நீங்கள் கண்டறியும் கதைகளை வரிசைப்படுத்த பிரதிலிபியில் உள்ள வழி: நூலகம் (Library) 

உங்களுக்குப் பிடித்த கதைகளைப் பற்றிய புதிய தகவல்களைப் பெறவும், நீங்கள் ஆர்வமாக உள்ள அனைத்து கதைகளையும் கண்காணிக்கவும் நூலகம் சிறந்த வழியாகும். இது உங்கள் கணக்கிற்கு மட்டுமேயானது, மற்றவர்களால் இதைப் பார்க்க முடியாது. மேலும், நீங்கள் கடைசியாகப் படித்த கதையை நூலகத்தில் உள்ள 'சமீபத்திய வாசிப்புகள்' பிரிவில் காணலாம்.

உங்கள் நூலகத்தில் , ஒரு குறிப்பிட்ட எண்ணிக்கையில் offline கதைகளை சேமிக்கலாம். இவை நேரடியாக உங்கள் செயலியில் தரவிறக்கம் ஆகும். இதைக் கொண்டு நீங்கள் இணைய சேவை இல்லாத நேரத்திலும் சுலபமாக வாசிக்கலாம்.

ஒரு கதையைத் தேர்ந்தெடுத்த பிறகு, உங்கள் வசதிக்கேற்ப வாசிப்பு அமைப்புகளை மாற்றிக்கொள்ளலாம். நீங்கள் பிரதிலிபி செயலியைப் பயன்படுத்துகிறீர்கள் என்றால், வரிகளுக்கு இடையிலான இடைவெளி, எழுத்தின் அளவு, பிரைட்னஸ் மற்றும் நைட் மோட் ஆகியவற்றை மாற்றியமைக்கலாம்.