கதையின் அட்டைப்படத்தை கதையோட்டத்தோடு பொருத்துங்கள்

அன்புள்ள எழுத்தாளருக்கு,

பிரதிலிபி வாசகர்கள் மிக விரைவாக ஸ்க்ரோல் செய்யக்கூடியவர்கள். உங்கள் கதையைத் திறப்பதற்கு முன் அவர்கள் முதலில் கவனிப்பது கதையின் அட்டைப் படத்தைத்தான் .

ஒரு  அட்டைப் படம் பார்ப்பதற்கு அழகாக இருந்தால் மட்டும் போதாது. அது உங்களது கதையின் சரியான வகை (Genre), மனநிலை மற்றும் கருப்பொருளை வெளிப்படுத்துவதாக இருக்க வேண்டும். அட்டைப் படம் தவறான உணர்வைக் கொடுத்தால், வாசகர்கள் உங்கள் கதையைத் தவிர்க்கலாம் அல்லது தவறான எதிர்பார்ப்போடு படிக்கத் தொடங்கலாம்.

1. கதையின் மனநிலையோடு அட்டைப் படத்தைப் பொருத்துங்கள்

உங்கள் அட்டைப் படம் கதை தரக்கூடிய அதே உணர்வைக் கொடுக்க வேண்டும். உங்கள் கதை  விறுவிறுப்பானதாக, உணர்ச்சிப்பூர்வமானதாக அல்லது காதலை வெளிப்படுத்துவதாக இருந்தால், அட்டைப் படமும் அந்த மனநிலையைத் தெளிவாகக் காட்ட வேண்டும்.

2. கதையின் வகையை எளிதில் புரிய வையுங்கள்

இது என்ன வகையான கதை என்பதை வாசகர்கள் பார்த்தவுடனே புரிந்துகொள்ள வேண்டும். ஒரு திரில்லர் கதையின் அட்டை மர்மமான உணர்வையும், காதல் கதையின் அட்டை மிருதுவான  உணர்வையும், பேய்/திகில் கதையின் அட்டை இருண்ட அல்லது பயமுறுத்தும் உணர்வையும் தர வேண்டும்.

3. தவறாக வழிகாட்டும் அட்டைகளைத் தவிர்க்கவும்

உங்கள் கதையிலிருந்து முற்றிலும் வேறுபட்ட உணர்வைக் கொடுக்கும் அட்டைப் படத்தைப் பயன்படுத்த வேண்டாம். அட்டைப் படம் காதல் கதை போலவும், ஆனால் கதை குற்றப் பின்னணி கொண்ட திரில்லராகவும் இருந்தால், தவறான வாசகர்கள் கதையைத் திறந்துவிட்டுப் பின் உடனடியாக வெளியேறி விடுவார்கள்.

4. பிரபலங்களின் புகைப்படங்களைப் பயன்படுத்தாதீர்கள்

நடிகர்களின் புகைப்படங்கள், திரைப்பட போஸ்டர்கள் அல்லது பதிப்புரிமை கொண்ட படங்களை அட்டைப் படமாகப் பயன்படுத்துவதைத் தவிர்க்கவும். இது உங்களது கதையின் தனித்துவத்தைக் குறைப்பதுடன், பின்னாளில் பதிப்புரிமைச் சிக்கல்களையும் உருவாக்கலாம்.

5. எளிய குறியீடுகளைப் பயன்படுத்துங்கள்

சிறிய காட்சி குறியீடுகள் வாசகர்கள் உங்கள் கதையை விரைவாகப் புரிந்துகொள்ள உதவும். உதாரணமாக, ஒரு மருத்துவமனை குறியீடு மருத்துவ நாடகத்தையும் ,  விறுவிறுப்பையும் (Suspense), திருமணம் சார்ந்த குறியீடு உறவுமுறை சார்ந்த கதையையும் சுட்டிக்காட்டும்.

6. வண்ணங்களைக் கவனமாகத் தேர்ந்தெடுங்கள்

வண்ணங்கள் வாசகரின் மனதில் உணர்வுகளை உருவாக்குகின்றன. மர்மம் அல்லது திகில் கதைகளுக்கு இருண்ட வண்ணங்களும், காதல், நகைச்சுவை அல்லது இலகுவான நாடகக் கதைகளுக்குப் பிரகாசமான அல்லது மென்மையான வண்ணங்களும் சிறப்பாகச் செயல்படும்.

7. பதிப்பிக்கும் முன் சரிபார்க்கவும்

கதையை வெளியிடுவதற்கு முன், வாசகர்கள் 3 வினாடிகளுக்குள் உங்களது கதையின் வகை, மனநிலை மற்றும் முதன்மைப் பொருளை அட்டைப் படத்தில் புரிந்துகொள்ள முடிகிறதா என்று உங்களையே கேட்டுக்கொள்ளுங்கள். இல்லை என்றால், அட்டைப் படத்தைச் இன்னும் தெளிவாகவும் எளிதில் புரியும்படியும் மாற்றுங்கள்.

இறுதியாக, 

உங்கள் கதையின் அட்டைப் படம் வெறும் அலங்காரம் அல்ல. அது வாசகர்களுக்கு நீங்கள் தரும் முதல் வாக்குறுதி.

ஒரு நல்ல அட்டைப் படம் சரியான வாசகர்களைக் கவர்கிறது, கதையை நன்றாகப் புரிந்துகொள்ள உதவுகிறது மற்றும் அவர்கள் கதையைத் தொடர்ந்து படிப்பதற்கான வாய்ப்புகளையும் அதிகரிக்கிறது.

எழுத்துப் பயணம் சிறக்க வாழ்த்துகள்!

பிரதிலிபி குழு