'கோல்டன் பேட்ஜ் விருதுகள்' போட்டி முடிவுகள்

16 ஆகஸ்ட் 2023

அன்புள்ள எழுத்தாளர்களுக்கு,

நீங்கள் ஆவலுடன் எதிர்பார்த்த ‘கோல்டன் பேட்ஜ் விருதுகள்’ போட்டியின் முடிவுகள் இதோ!

நாங்கள் இப்போட்டியை பிரதிலிபியில் எழுத தொடங்கி இருக்கும் புதிய எழுத்தாளர்களுக்காகவே பிரத்யேகமாக நடத்தினோம். புதிதாக தொடர்கதை எழுதுபவர்கள் அருமையான ஒரு சிறு தொடர்கதையை எழுதுவதன் மூலம் பிரதிலிபியில் தங்களுடைய கோல்டன் பேட்ஜை அடைவதற்கு ஒரு படி முன்னேறுவதே இப்போட்டியின் நோக்கம். பிரதிலிபியில் கோல்டன் பேட்ஜ் பெறுவது ஏன் இவ்வளவு முக்கியமானது என்ற கேள்வி உங்களுக்கு தோன்றலாம்! எளிமையாகச் சொல்வதென்றால், தங்களுடைய எழுத்துக்களிலிருந்து ஒவ்வொரு மாதமும் சம்பாதிக்க விரும்பும் பிரதிலிபி எழுத்தாளர்கள் ஒவ்வொருவருக்கும் கோல்டன் பேட்ஜ் பெறுவது என்பது முதல் படியாகும். பிரதிலிபியில், 9 மொழிகளில், இப்போட்டியில் கலந்து கொண்டு கோல்டன் பேட்ஜ் பெற்ற 176 புதிய எழுத்தாளர்களுக்கு சிறப்பு வாழ்த்துகளை தெரிவிப்பதில் நாங்கள் மிகவும் மகிழ்ச்சி அடைகிறோம்.

இந்த எழுத்தாளர்கள் தற்போது தங்கள் படைப்பை லாக் செய்யக்கூடிய பலனை பெற்றுள்ளார்கள். அதாவது, ஒரு புதிய தொடரை பதிவிடும்போதெல்லாம், 16வது பாகத்திலிருந்து முழுத்தொடரும் லாக் செய்யப்பட்டு, அந்தத் தொடர் பிரதிலிபி பிரீமியம் தொடராக மாறும் வசதி. வாசகர்கள் சந்தாக்களை வாங்குவதன் மூலமோ, நாணயங்களை செலுத்துவதன் மூலமோ அல்லது ஒவ்வொரு பாகமும் திறக்க அடுத்த நாள் வரை காத்திருப்பதன் மூலமோ கதைப் பாகங்களைத் திறக்க முடியும். பிரதிலிபி செயலியில் நீண்ட பல அத்தியாயத் தொடர்களை தொடர்ந்து பதிவிடுவதன் மூலமும், தொடரைப் பூட்டி வைப்பதன் மூலமும் மாதம் ஐந்தாயிரம் ரூபாய்க்கு மேல் சம்பாதித்துக்கொண்டிருக்கும் ஆயிரக்கணக்கான பிரதிலிபி எழுத்தாளர்களின் சமூகத்தில் இணையும் வாய்ப்பை இந்த புதிய கோல்டன் பேட்ஜ் எழுத்தாளர்கள் பெற்றுள்ளார்கள்.

இதுமட்டுமல்ல, இந்த புதிய கோல்டன் பேட்ஜ் எழுத்தாளர்கள் தற்போது பிரதிலிபியின் 'சிறந்த எழுத்தாளர் விருதுகள் -6' போட்டியில் பங்கேற்கவும், ஆச்சரியமான பணப் பரிசுகள், பிரத்தியேக சட்டமிடப்பட்ட சான்றிதழ்கள் மற்றும் பல விருதுகள் மற்றும் பலன்களைப் பெறவும் தகுதி பெறுவார்கள்.

'கோல்டன் பேட்ஜ் விருதுகள்' போட்டியில் பங்கேற்று தொடரை சமர்ப்பித்த அனைத்து பங்கேற்பாளர்களுக்கும் எங்களின் மனமார்ந்த நன்றியையும் பாராட்டுகளையும் தெரிவித்துக்கொள்கிறோம். இப்போட்டிக்காக பல புதிய எழுத்தாளர்கள் தங்கள் முதல் முதல் தொடர்கதையை பிரதிலிபியில் பதிவிட்டிருந்தனர், வெற்றி மற்றும் வாசித்தவர்கள் எண்ணிக்கையை தாண்டி எழுத்தின் மீதான அவர்களின் ஆர்வத்தையும் அதற்கான முயற்சியையும் நாங்கள் மனமார பாராட்டுகிறோம். இத்தோடு நிறுத்தாமல் தொடர்ந்து எழுதுங்கள், உங்கள் எழுத்து வாழ்க்கை சிறப்பாக இருக்கும். எதிர்காலத்தில் லட்சக்கணக்கான வாசகர்கள் ஆவலுடன் எதிர்பார்க்கும் எழுத்தாளராக மாறுவதற்கான திறமை உங்கள் ஒவ்வொருவருக்கும் இருக்கிறது. அத்திறமையை மெருகேற்றி பிரதிலிபி செயலியில் தொடர்ந்து நீண்ட தொடர்களை எழுதினால், நீங்கள் ஒரு வெற்றிகரமான எழுத்து வாழ்க்கையை உருவாக்க நாங்கள் உதவுவோம் என்று உறுதியளிக்கிறோம்.

'கோல்டன் பேட்ஜ் விருதுகள்' போட்டியில் வெற்றி பெற்ற எழுத்தாளர்கள் அனைவருக்கும் நம் இதயத்தைத் தொட்ட அற்புதமான கதைகளை வழங்கியதற்காக வாழ்த்துவோம்!