போட்டி முடிவுகளை இங்கே பார்க்கவும் : https://tamil.pratilipi.com/blog/pratilipi-awards-season-1-event-results-ts3xukyr86upsah

---------------------------------

அனைத்து எழுத்தாளர்களுக்குமான "பிரதிலிபி விருதுகள் - சீசன் 1"-ஐ அறிமுகப்படுத்துவதில் நாங்கள் மிகவும் பெருமிதம் கொள்கிறோம். நாட்டின் மதிப்புமிக்க எழுத்து விருதுகளில் ஒன்றாக இது உயரும் என்ற நம்பிக்கையுடனும், குறிக்கோளுடனும் இந்த எழுத்து போட்டியை 8 வெவ்வேறு இந்திய மொழிகளில் தொடங்குகிறோம்.

"பிரதிலிபி விருதுகளின்" முக்கிய நோக்கம், அனைத்து எழுத்தாளர்களுக்கும் சிறந்த வாய்ப்பை உருவாக்கி கொடுப்பதாகும். ஒருவர் புதியவராக இருந்தாலும், அனுபவமிக்க எழுத்தாளராக இருந்தாலும், எந்தவகை கதை எழுதுபவராக இருந்தாலும், இதில் பங்கேற்று நீண்ட தொடரை எழுதுவதன் மூலம் அவர்களின் வருமானம், பாலோயர்கள் மற்றும் வாசகர்களை அதிகப்படுத்திக் கொள்ள முடியும்.

பிரதிலிபி விருதுகளின் குறிக்கோள், தனித்துவம் கொண்ட, கலைநயமிக்க, வாசகர்களின் மனதை தொடும் திறன் பெற்ற சிறப்பான படைப்புகளை கொண்டாடுவதாகும்.

இந்த சீசன் 1 புதிய பாரம்பரியத்தின் தொடக்கமாக இருக்கும். சிறந்த படைப்புகளுக்கு ஆண்டுதோறும் வெகுமதி அளித்து கௌரவிப்பது மட்டுமின்றி, எழுத்தாளர்களின் வருமானம்,  வாசகர்கள் மற்றும் அவர்களிடமிருந்து பெரும் அன்பை அதிகரிக்கும் ஒரு சிறப்பான மரபை இதன் மூலம் தொடங்குகிறோம்.

தனித்துவமான பிரதிலிபி கோப்பை உங்களுக்காக காத்திருக்கிறது.

*********

பிரதிலிபி விருதுகளில் புதியது என்ன?

1. இந்த முறை அங்கீகாரம் மட்டுமின்றி, வெற்றியாளர்கள் ஒரு தனித்துவமான பிரதிலிபி விருதுக்கோப்பையை பெறுவார்கள். உங்கள் வெற்றியின் அடையாளமாக, அந்த விருதுக் கோப்பையை, உங்கள் வீட்டு அலமாரியில் பெருமையுடன் காட்சிப்படுத்தலாம்.

விருதின் வடிவமைப்பை பார்க்க இங்கே சொடுக்கவும்

2. நமது பிரதிலிபியை பொறுத்தவரை, ஒவ்வொரு போட்டிகளின் முடிவையுமே மிகுந்த அக்கறை, நேர்மை மற்றும் அர்ப்பணிப்புடன் தான் தயாரிக்கிறோம்.போட்டி முடிவுகளின் நம்பகத்தன்மையை உறுதிப்படுத்துவதற்காக, முடிவு எடுக்கும் முழு செயல்முறையையும் நமது எழுத்தாளர்களுடன் பகிர்ந்து கொள்கிறோம். பிரிதிலிபி போட்டிகளுக்கான முடிவுகளை எடுக்கும் செயல்முறை

3. இந்த வாய்ப்பு அனைவருக்குமானது: 

நீங்கள் கோல்டன் பேட்ஜ் பெற்ற எழுத்தாளர் அல்லது புதிய எழுத்தாளர் என்று யாராக இருந்தாலும், உங்களின் திறமையை வெளிப்படுத்தி தனித்துவமான பரிசுகள், சிறப்பான அங்கீகாரம் மற்றும் வாழ்நாள் வருமான வாய்ப்புகளை வெல்வதற்கான நல்வாய்ப்பு இது. நீங்கள் பிரகாசிக்க கிடைத்திருக்கும் சிறந்த சந்தர்ப்பத்தை தவறவிடாதீர்கள்!

4. முன்பைவிட அதிக பரிசுகள்: 

முதல் 30 வெற்றியாளர்களுக்கு ரொக்கப் பரிசுகள் மற்றும் நமது சாம்பியன்களுக்கு தனித்துவமான பிரதிலிபி விருதுக் கோப்பை! அதோடு, பங்கேற்கும் அனைவருக்கும் சிறப்புப் பரிசுகள் காத்திருக்கின்றன. 

*********

பரிசுகள் மற்றும் விருதுகள் 

1. பிரதிலிபி விருதுகள் - நடுவர்கள் தேர்வு செய்யும் வெற்றியாளர்களுக்கான பரிசுகள்:

→ முதல் ரேங்க் பெறும் வெற்றியாளருக்கு : ₹7000 ரொக்கப்பரிசு + தனித்துவமான பிரதிலிபி விருதுக்கோப்பை + பிரதிலிபியின் சமூக வலைத்தளத்தில் பிரத்யேகமாக 'எழுத்தாளர் பற்றிய பதிவு' இடப்படும்.

→ இரண்டாவது ரேங்க் பெறும் வெற்றியாளருக்கு: ₹6000 ரொக்கப்பரிசு + தனித்துவமான பிரதிலிபி விருதுக்கோப்பை + பிரதிலிபியின் சமூக வலைத்தளத்தில் பிரத்யேகமாக 'எழுத்தாளர் பற்றிய பதிவு' இடப்படும்.

→ மூன்றாவது ரேங்க் பெறும் வெற்றியாளருக்கு: ₹5000 ரொக்கப்பரிசு + தனித்துவமான பிரதிலிபி விருதுக்கோப்பை + பிரதிலிபியின் சமூக வலைத்தளத்தில் பிரத்யேகமாக 'எழுத்தாளர் பற்றிய பதிவு' இடப்படும்.

→ 4 முதல் 10 ரேங்க் பெறும் வெற்றியாளர்களுக்கு: ₹2500 ரொக்கப்பரிசு + தனித்துவமான பிரதிலிபி விருதுக்கோப்பை +  பிரதிலிபியின் சமூக வலைத்தளத்தில் பிரத்யேகமாக 'எழுத்தாளர் பற்றிய பதிவு' இடப்படும்.

→ 11 முதல் 30 ரேங்க் பெறும் வெற்றியாளர்களுக்கு: ₹1000 ரொக்கப்பரிசு +  தனித்துவமான பிரதிலிபி விருதுக்கோப்பை +  பிரதிலிபியின் சமூக வலைத்தளத்தில் பிரத்யேகமாக 'எழுத்தாளர் பற்றிய பதிவு' இடப்படும்.

→ 31 முதல் 50 ரேங்க் பெறும் வெற்றியாளர்களுக்கு: போட்டி முடிவுகள் பக்கத்தில் சிறப்பு குறிப்பு + மின்னஞ்சல் மூலம் வெற்றியாளர் சான்றிதழ்.

2. நமது வாசகர்கள் தேர்வு செய்யும் வெற்றியாளர்களுக்கு:

→ குறைந்தபட்சம் 100 பாகங்கள் எழுதி முடிக்கும் எழுத்தாளர்கள், போட்டி முடிவுகள் பக்கத்தில் சிறப்பு குறிப்பு பெறுவார்கள். மற்றும் பிரதிலிபியிடமிருந்து அதிகாரப்பூர்வமான ‘பிரதிலிபி விருதுகள் சான்றிதழ்’ மின்னஞ்சலில் பெறுவார்கள்.

→ அதுமட்டுமின்றி — இவர்களில் முதல் 20 இடங்களை பெறும் தொடர்களை ('வாசகர் ஈடுபாட்டு விகிதத்தின் அடிப்படையில் - Reader Engagement Ratio) கௌரவிக்கும் விதமாகச் சிறப்புமிக்க பிரதிலிபி விருதுக்கோப்பை அவர்களது வீட்டு முகவரிக்கு நேரடியாக அனுப்பப்படும். 

3. அனைத்து பங்கேற்பாளர்களுக்குமான பரிசுகள்: 

→ பங்கேற்கும் அனைவருக்கும் பிரத்யேகமான பங்கேற்பு சான்றிதழ் மின்னஞ்சல் மூலம் வழங்கப்படும்.

→ அனைத்து தொடர்களின் சுட்டியும் எங்களது முகநூல் பக்கத்தில் போட்டி முடிந்தவுடன் பகிரப்படும்.

→ அனைத்து தொடர்களின் சுட்டியும் பிரதிலிபி செயலியின் முகப்பு பேனரில் போட்டி முடிந்தவுடன் பகிரப்படும்!

→ நீங்கள் ஒரு ப்ரீமியம் தொடர் எழுதும்போது, வாழ்நாள் முழுதும் மாதாந்திர வருமானம் பெறும் வாய்ப்பை பெறுவீர்கள்!

********* 

விதிமுறைகள் மற்றும் வழிகாட்டுதல்கள்

1. கோல்டன் பேட்ஜ் எழுத்தாளர்களுக்கு: போட்டிக்கு தகுதிபெற, உங்களது தொடர்கதையானது பிரதிலிபி பிரீமியம் திட்டத்தின் கீழ் எழுதப்பட வேண்டும்.

2. கோல்டன் பேட்ஜ் இல்லாத எழுத்தாளர்களுக்கு: கோல்டன் பேட்ஜ் இல்லையெனில், தொடரை சாதாரணமாக பதிப்பித்து நீங்கள் போட்டியில் பங்குபெற முடியும். 

3. தொடரின் பாகங்கள்: குறைந்தபட்சம் 80 பாகங்கள் எழுதவேண்டும். அப்போதே போட்டிக்கு தகுதி பெறுவீர்கள். 100 பாகங்களுக்கு மேல் பதிப்பித்தால் உத்திரவாதமான பரிசு உண்டு. அதிகபட்ச வரம்பு இல்லை. 

4. வார்த்தை வரம்பு: ஒவ்வொரு பாகத்திலும் குறைந்தபட்சம் 1000 வார்த்தைகள் இருக்கவேண்டும், அதிகபட்ச வரம்பு இல்லை. ஆனால் குறைந்தது 1000 வார்த்தைகள் இருக்க வேண்டும்.

5. கட்டாயம் சமர்ப்பிக்க வேண்டிய வழிகாட்டுதல்கள்: கதையை பதிப்பிக்கும்போது 'பிரதிலிபி விருதுகள் 1' எனும் பிரிவை சேர்க்கவும். பிரிவு தேர்ந்தெடுக்கப்படவில்லை எனில், படைப்பு போட்டிக்கு எடுத்துக் கொள்ளப்படாது. இந்த பிரிவோடு சேர்த்து படைப்புக்கு ஏற்ற மேலும் 2 பிரிவுகளை சேர்க்க வேண்டும்.

6. தொடரின் தீம்: எந்தவொரு தீம்/வகைமை அல்லது தலைப்பிலும் உங்கள் தொடரை எழுதலாம்.

7. தகுதியிழப்பு: போட்டி விதிமுறைகளை பின்பற்றாத அல்லது போட்டி தொடக்க தேதிக்கு முன்பாக எழுதப்பட்ட தொடர்கள் அல்லது முடிவு தேதிக்கு முன்பாக முடிக்கப்படாத தொடர்கள் போட்டிக்கு எடுத்துக்கொள்ளப்படாது.

=> குறிப்பு: பாகம் 1-இல் நேரடியாக கதையை தொடங்கவும். டிரைலர், முன்னுரை, குறிப்புகள் போன்றவற்றை ஒரு பாகமாக பதிப்பித்து கதையை தொடங்குவதை தவிர்க்கவும். வாசகர்களின் வாசிப்பு ஆர்வத்தை அது நீர்த்து போக செய்யும். முதல் பாகத்திலிருந்து கதை துவங்குவதையே வாசகர்கள் விரும்புகிறார்கள்.

 *********

முக்கிய தேதிகள்

1. போட்டி தொடங்கும் தேதி: ஆகஸ்ட் 25, 2025

2. இறுதி பாகம் பதிப்பிப்பதற்கான கடைசி தேதி: ஜனவரி 13, 2026 (இந்த தேதிக்குள் உங்கள் தொடரை முடித்திருக்க வேண்டும்)

3. போட்டி முடிவுகள் வெளியாகும் தேதி: மாலை 5 P.M. - மார்ச் 17, 2026. போட்டி முடிவுகளின் லிங்கை எங்களது குழு மின்னஞ்சல் மற்றும் பிரதிலிபியில் செய்திகள் பகுதி மூலமாக அனுப்பி வைப்பார்கள்.

குறிப்பு: போட்டிக்கு தகுதிபெறும் அனைத்து தொடர்களும் போட்டியின் இறுதி தேதி முடிந்தவுடன் பிரதிலிபி முகநூல் பக்கம் மற்றும் முகப்பு பக்க பேனரில் பகிரப்படும்.

*********

உதவி வேண்டுமா?

உங்களுக்கு போட்டி குறித்து ஏதேனும் சந்தேகங்கள் இருப்பின் [email protected] எனும் மின்னஞ்சல் முகவரிக்கு எழுதவும். 24 மணி நேரத்தில் எங்களது குழு உங்களுக்கு பதிலளிக்கும்.

இந்த பொன்னான வாய்ப்பை தவறவிடாதீர்கள். நமது பிரதிலிபியுடன் என்றென்றும் நிலைத்திருக்கும், ஒரு பந்தத்தைப் பெறும் அரிய சந்தர்ப்பம் இது! நீங்கள் வெளியிடும் ஒவ்வொரு அத்தியாயமும், நீங்கள் எழுதும் ஒவ்வொரு சொல்லும், உங்களை வெற்றிக்கு ஒரு அடி நெருக்கமாக கொண்டு செல்லும்.

உங்கள் மொழியில் எழுதும் எழுத்தாளர்களுக்கு, இந்த போட்டி பற்றிய அறிவிப்பை பகிர்ந்துகொள்ள மறந்துவிடாதீர்கள். உங்கள் ஒரே ஒரு பகிர்வு, ஒருவரின் எழுத்து வாழ்க்கையையே மாற்றியமைக்கும் வல்லமை கொண்டது!

வெற்றிபெற வாழ்த்துகள்!

பிரதிலிபி போட்டிக்குழு.