சிறந்த எழுத்தாளர் விருதுகள் : சூப்பர் 7 சீசன்  

தேசிய அளவிலான எழுத்துப்போட்டி - கோல்டன் பேட்ஜ் எழுத்தாளர்களுக்கு மட்டும்

'சிறந்த எழுத்தாளர் விருதுகள் -7' போட்டி முடிவுகளை தெரிந்துகொள்ள இங்கே கிளிக் செய்யவும் : https://tamil.pratilipi.com/blog/swa7-result-6s1hm295j9bcb1w

அன்புள்ள எழுத்தாளர்களுக்கு,

12 மொழிகள் மற்றும் மாநிலங்களில் இந்தியாவின் விருப்பமான விருதான 'சிறந்த எழுத்தாளர் விருதுகள்' போட்டியின் சூப்பர் 7 சீசனை அறிவிப்பதில் பிரதிலிபி பெருமைகொள்கிறது. இந்தப் புகழ்பெற்ற போட்டியானது தொடர்ச்சியாக லட்சக்கணக்கான வாசகர்களின் இதயத்தைத் தொடும் கதைகளைத் தொடர்ந்து உருவாக்கி வருகிறது. உங்களுக்கு புத்தம் புதிய கதைக்கருக்கள், கதாபாத்திரங்கள் மற்றும் எளிதில் பிரபலமாகும் கதைகளை எழுதும் சிறப்பான எழுத்துத் திறமை இருக்கிறதா? மேலும்  நீங்கள் ஒரு தொழில்முறை எழுத்தாளராக மாறவும் மற்றும் உங்கள் கதைகளின் ராயல்டி மூலம்  மாதவருமானம் ஈட்டவும் விரும்புகிறீர்களா? ஆம் என்றால், வாழ்த்துக்கள்,  உங்களைத்தான் பிரதிலிபி தேடிக்கொண்டிருக்கிறது! 

இதில் பங்கேற்க, உங்களுக்கு விருப்பமான வகைமையில் குறைந்தபட்சம் 60 பாகங்கள் கொண்ட தொடர்கதையை மே 7, 2024 தேதிக்குள்  பதிப்பிக்க வேண்டும். ஒவ்வொரு பாகமும் குறைந்தபட்சம் 1000 வார்த்தைகள் கொண்டிருக்க வேண்டும். பதிப்பிக்கும்போது 'சிறந்த எழுத்தாளர் விருதுகள் - 7' எனும் பிரிவை சேர்ப்பது கட்டாயம்.

 -------------------------------------------------------------------

பரிசு பட்டியல்

வாசகர் தேர்வு (சூப்பர் 7 தொடர்கள்):

- சூப்பர் 7 எழுத்தாளர்களுக்கு தலா ரூ. 3000 ரொக்கப்பரிசு + பிரதிலிபியின் பிரத்யேகமான சட்டமிடப்பட்ட வெற்றிச்சான்றிதழ் வீட்டிற்கு அனுப்பப்படும்.

- போட்டிக்கு வந்த அனைத்து படைப்புகளில் இருந்தும், சிறந்த 7 சூப்பர் தொடர்கதைகளை 'தொடரின் மொத்த வாசகர் எண்ணிக்கை' மற்றும் 'வாசகர் ஈடுபாட்டு விகிதம்' (Reader Engagement Ratio - எத்தனை சதவீதம் வாசகர்கள் கதையை ஆரம்பம் முதல் இறுதிவரை வாசித்து முடிக்கிறார்கள்) என்கிற அடிப்படையில் தேர்ந்தெடுக்கப்படும். 

நடுவர்கள் தேர்வு (சூப்பர் 7 தொடர்கள்):

- சூப்பர் 7 எழுத்தாளர்களுக்கு தலா ரூ. 3000 ரொக்கப்பரிசு + பிரதிலிபியின் பிரத்யேகமான சட்டமிடப்பட்ட வெற்றிச்சான்றிதழ் வீட்டிற்கு அனுப்பப்படும்

- வாசகர்கள் தேர்வு தொடர்களை தேர்ந்தெடுத்த பின்பு, எங்களது நடுவர் குழு ஒவ்வொரு கதையையும் வாசித்து, அதன் கதைக்கரு மற்றும் களம், தொடக்கம் முதல் முடிவு வரை இருக்கக்கூடிய கதையின் தீவிரத்தன்மை மற்றும் விறுவிறுப்பு தன்மை, கதாபாத்திர வடிவமைப்பு, எழுத்து நடையழகு மற்றும் வசனங்கள், எதிர்பார்ப்பை தூண்டும் கதைத் திருப்பங்கள் ஆகியவற்றின் அடிப்படையில் சூப்பர் 7 தொடர்களை தேர்ந்தெடுப்பார்கள்.

உத்தரவாதமான பரிசு - 77 பாகங்கள் சவால்:

குறைந்தபட்சம் 77 பாகங்கள் கொண்ட தொடர்களை எழுதும் எழுத்தாளர்கள், மேலே குறிப்பிட்ட பரிசுகள் வெல்லும் வாய்ப்பை தவிர உத்திரவாதமாக இரண்டு பரிசுகள் பெறுவார்கள் - 

1. சாதனையின் அங்கீகாரமாக பிரதிலிபியின் மதிப்புமிக்க ராஜபத்திர பட்டய சான்றிதழ் மின்னஞ்சலில் அனுப்பிவைக்கப்படும்.

2. குறிப்பிட்ட தொடர்கதைக்கான பிரீமியம் முகப்பு படம் எங்களது டிசைன் குழுவால் பிரத்யேகமாக வடிவமைத்துக் கொடுக்கப்படும். முகப்பு படத்தில் போட்டியின் பெயர் மற்றும் லோகோ இடம்பெறும். இது 'சிறந்த எழுத்தாளர் விருது' போட்டியின் வெற்றிக்கதை என்பதை வாசகர்கள் எளிதாக அடையாளம் காண வழிவகுக்கும்.

இந்த பிரத்யேக கௌரவ விருதை பிரதிலிபியிடமிருந்து உங்களுக்கு அனுப்புவதில் நாங்கள் மிகவும் பெருமைப்படுகிறோம். மேலும், உங்கள் நீண்ட தொடரை முழு பிரதிலிபி குடும்பத்துடனும் பகிர்ந்து, உங்கள் சிறப்பான வெற்றியை நாங்களும் கொண்டாடுவோம் என்று உறுதியளிக்கிறோம்!

 -------------------------------------------------------------------

பங்கேற்கும் அனைவருக்குமான பலன்கள்

1. இந்தப் போட்டியில் பதிவிடப்படும் அனைத்து படைப்புகளும் நேரடியாக வாசகர்களின் விருப்பமான ‘பிரதிலிபி பிரீமியம்’ பிரிவுக்கு சென்றுவிடும். இதனால் அக்கதைகளின் எழுத்தாளர்கள் மாதாந்திர ராயல்டி மூலம் சம்பாதிக்க முடியும்.

2. பங்கேற்பாளர்கள் அனைவருக்கும் பிரதிலிபியிலிருந்து பிரத்யேக டிஜிட்டல் பாராட்டு சான்றிதழ்கள் அவர்களின் மின்னஞ்சல் முகவரிக்கு அனுப்பி வைக்கப்படும்.

3. பிரதிலிபி செயலியின் முகப்பு பக்கத்தில் உங்கள் தொடரும் பட்டியலிடப்படும். இது பார்வையாளர்கள் எண்ணிக்கையை அதிகப்படுத்த உதவும்.

4. லட்சக்கணக்கான வாசகர்களின் அன்பு மழையைப் பெறுவதற்கான வாய்ப்பு!

 -------------------------------------------------------------------

போட்டி விதிமுறைகள்

1. தீம்: எந்தவொரு தீம்/வகைமை அல்லது தலைப்பிலும் உங்கள் தொடரை எழுதலாம்.

2. தொடர்கதையானது பிரதிலிபி பிரீமியம் திட்டத்தின் கீழ் எழுதப்பட வேண்டும்.

3. தகுதி: கோல்டன் பேட்ஜ் எழுத்தாளர்கள் மட்டுமே இந்தப் போட்டியில் பங்கேற்க முடியும்.

4. போட்டி தொடங்கும் தேதி: ஜனவரி 2, 2024

5. பதிப்பிப்பதற்கான கடைசி தேதி: மே 7, 2024.

6. போட்டி முடிவு தேதி: ஜூலை 22, 2024.

7. பாகங்கள்: குறைந்தபட்சம் 60 பாகங்கள், அதிகபட்ச வரம்பு இல்லை.

8. வார்த்தை வரம்பு: ஒவ்வொரு பாகத்திலும் குறைந்தபட்சம் 1000 வார்த்தைகள் இருக்கவேண்டும், அதிகபட்ச வரம்பு இல்லை.

9. கட்டாயம் சமர்ப்பிக்க வேண்டிய வழிகாட்டுதல்கள்: கதையை வெளியிடும் போது 'சிறந்த எழுத்தாளர் விருதுகள் - 7' எனும் பிரிவை சேர்க்கவும்.

10. குறிப்பு: முடிக்கப்படாத கதைகள் தகுதி நீக்கம் செய்யப்படும். 

 -------------------------------------------------------------------

FAQ & எழுத்து குறிப்புகள்

1. தொடர்கதை எப்படி பதிப்பிப்பது என்பதை இந்த வீடியோ வழிகாட்டி மூலம் தெரிந்து கொள்ளுங்கள் [இங்கே சொடுக்கவும்]

2. உங்கள் 60 பாக கதையை எளிதாக எழுதுவதற்கான 6 ரகசியக் குறிப்புகள் [இங்கே சொடுக்கவும்]

 -------------------------------------------------------------------

தொடர்புக்கு

போட்டி குறித்து மேலும் சந்தேகங்கள் இருந்தால், [email protected] இந்த மின்னஞ்சலுக்கு எழுதுங்கள். எங்கள் போட்டிக்குழுவினர் கூடியவரை விரைவாக 24 மணி நேரத்திற்குள் உங்களுக்கு உதவி செய்வார்கள்.

அனைத்து எழுத்தாளர்களுக்கும் வாழ்த்துக்கள்! உலகறியம் சிறந்த எழுத்தாளராக வேண்டும் என்ற உங்கள் கனவு நனவாகட்டும்!

பிரதிலிபி போட்டிக்குழு!